SAHAR

پاکستان کے زیر انتظام کشمیر میں ،سیکریٹری جنرل پیپلز پارٹی فیصل ممتاز راٹھور کا کہنا ہے کہ مسلم لیگ ن اور پیپلز پارٹی نے عدم اعتماد کی تحریک پر دستخط کر دیے ہیں۔

سحرنیوز/پاکستان: اسلام آباد سے موصولہ رپورٹ کے مطابق راٹھور نے جیو نیوز سے ٹیلی فونک گفتگو کرتے ہوئے  کہا کہ وزیرِ اعظم کے امیدوار کا اعلان ایک دو روز میں پارٹی قیادت کرے گی۔

پاکستان کے زیر انتظام کشمیر کے سیکریٹری جنرل پیپلز پارٹی فیصل ممتاز راٹھور نے کہا کہ مسلم لیگ ن کے ایوان میں نو ووٹ ہیں جبکہ نون لیگ کی جانب سے راجہ فاروق حیدر نے دستخط کیے ہیں۔

ان کا یہ بھی کہنا ہے کہ ہمیں اس وقت کل سینتیس ممبران کی کھل کر حمایت حاصل ہے جبکہ مزید پانچ ارکانِ اسمبلی نے حمایت کا یقین دلا دیا ہے۔