پاکستان اور افغانستان کے درمیان مذاکرات کے اگلے دور کے مذاکرات آج
پاکستان اور افغانستان کے درمیان مذاکرات کا تیسرا دور آج ترکیہ کے شہر استنبول میں ہو رہا ہے۔
سحرنیوز/پاکستان: پاکستانی میڈیا رپورٹوں کے مطابق ترکیہ کے شہر استنبول میں آج پاکستان اور افغانستان کے درمیان مذاکرات کے تیسرے دور کے مذاکرات ہو رہے ہیں۔ اس سے پہلے استنبول میں ہی دونوں ممالک کے درمیان مذاکرات کا دوسرا دور 25 اکتوبر کو ہوا تھا۔
دریں اثنا، پاکستان کے وزیر دفاع خواجہ آصف نے کہا ہے کہ مذاکرات میں پیش رفت کا امکان ہوتا ہے تبھی بات کی جاتی ہے۔
انہوں نے کہا کہ "پاکستان کا ایک ہی موقف ہے کہ افغانستان کی سرزمین سے پاکستان پر حملے بند کیے جائیں، امید ہے خطے میں قیامِ امن کے لیے افغان طالبان دانش مندی سے کام لیں گے۔"
پاکستانی وزیر دفاع نے کہا کہ ہماری سر زمین کی خلاف ورزیاں جاری رہیں تو ہم بھی وہی کریں گے جو ہمارے ساتھ ہو رہا ہے۔
واضح رہے کہ پاکستان اور افغانستان کے درمیان استنبول میں ہونے والے دوسرے دور کے مذاکرات بے نتیجہ رہے تھے۔
