پاکستان نے غرب اردن اور مسجد اقصیٰ میں اسرائیلی مظالم کی شدید مذمت کی
پاکستان نے غرب اردن میں قابض اسرائیلی فوجیوں اور انتہا پسند صیہونی آبادکاروں کی بڑھتی ہوئی کارروائیوں کی شدید مذمت کرتے ہوئے انہیں ناقابلِ قبول قرار دے دیا۔
سحرنیوز/پاکستان: ڈان نیوز کے مطابق پاکستانی دفتر خارجہ کے ترجمان کی جانب سے جاری بیان میں کہا گیا کہ مسجد اقصیٰ کے صحن پر بار بار حملے، نمازیوں کو اشتعال دلانے کے واقعات اور مقدس مقامات کی بے حرمتی بین الاقوامی قانون کی کھلی خلاف ورزی ہیں۔
ترجمان کا کہنا تھا کہ عبادت گاہوں کا تحفظ اور آبادکار تشدد کی روک تھام عالمی برادری کی مشترکہ ذمہ داری ہے۔
پاکستانی دفتر خارجہ کے ترجمان کے مطابق پاکستان متعلقہ اقوامِ متحدہ کی قراردادوں پر مکمل عمل درآمد اور فوری اقدامات کا مطالبہ کرتا ہے-
پاکستان دفترِ خارجہ کا کہنا تھا کہ پاکستان 1967 سے قبل کی سرحدوں کے مطابق ایک آزاد اور خودمختار فلسطینی ریاست کے قیام کی حمایت کرتا ہے، جس کا دارالحکومت القدس الشریف ہو۔
