پاکستان اسرائیل کے ساتھ کسی بھی مصالحتی عمل میں شامل نہیں ہوگا:خواجہ آصف
پاکستان کے وزیر دفاع نے فلسطینیوں کی حمایت اور صیہونی حکومت کو تسلیم کرنے کی مخالفت کو اس ملک کےعوام کے اعتقاد کا ایک حصہ قرار دیا اور اسرائیل کے ساتھ مصالحت کے لئے اسلام آباد کی طرف سے پس پردہ کسی بھی مذاکرات کو مسترد کردیا
سحرنیوز/پاکستان: پاکستان سے موصولہ رپورٹ کے مطابق پاکستان کےوزیر دفاع خواجہ محمد آصف نے برلن میں ڈوئچے ویلے کو انٹرویو دیتے ہوئے کہا کہ پاکستان غاصب اسرائیلی حکومت کے ساتھ مصالحت کے کسی بھی عمل میں شامل نہیں ہے۔
انہوں نے صیہونی حکومت کو تسلیم کرنے کے لیے کسی بھی پس پردہ مذاکرات کو مسترد کرتے ہوئے کہا کہ فلسطین کی حمایت ہمارے عقائد کا حصہ ہے اور پاکستان کے پاسپورٹ میں بھی لکھا ہے کہ ہم اسرائیل کو قبول نہیں کرتے۔
اس سوال کے جواب میں کہ آیا ان کا ملک غزہ میں بین الاقوامی امن فوج میں شامل ہو گا، پاکستانی وزیر دفاع نے کہا کہ ہاں، میں سمجھتا ہوں کہ پاکستان کو اس موقع سے فائدہ اٹھانا چاہیے۔
ہمیں فالو کریں:
Follow us: Facebook, X, instagram, tiktok
انہوں نے پاکستان اور افغان طالبان کے درمیان تعلقات میں تعطل کے حوالے سے بھی کہا کہ ہم سے طالبان کوسمجھنے اور ان سے امیدیں وابستہ کرنے میں غلطی ہوئی۔ اور گذشتہ تین برسوں میں ان کے رویوں سے ثابت ہوگیا کہ وہ قابل اعتماد نہیں ہیں-
ادھر پاکستانی فوج کے ترجمان نے بھی ایک بیان میں دعوی کیا ہے کہ افغان طالبان ، خطے میں سب کے لیے ایک سنگین خطرہ ہیں۔
