SAHAR

روسی صدر ولادیمیرپوتن نے ترکی کو سخت خبردار کرتے ہوئے کہا ہے کہ روس کا لڑاکا طیارہ مار گرانے پر ترکی کو پشیمان ہونا پڑے گا

روسی صدر پوتن نے کہا کہ ترکی نے شام کے اندر روس کا جو لڑاکا طیارہ مارگرایا ہے اس کو اپنے اس اقدام پر پہلے سے بھی زیادہ پچھتانا پڑے گا - روسی صدر نے ترکی کی طرف سے دہشت گردوں کی حمایت جاری رکھنے پر تنقید کرتے ہوئے کہا کہ ماسکو انقرہ کے اس اقدام سے چشم پوشی نہیں کرسکتا -

روسی صدر نے اپنے سالانہ خطاب میں مغربی ملکوں کو خطاب کرتے ہوئے کہا کہ دہشت گردی کے بارے میں دو رخی پالیسی نہیں اپنانی چاہئے- انہوں نے ان سبھی ملکوں سے جو دہشت گردوں کی حمایت کرتے ہیں کہا کہ وقت آگیا ہے کہ وہ دہشت گردوں کے لئے اپنی حمایت بند کر دیں -

واضح رہے کہ ترکی کے ذریعے روس کا ایک جنگی طیارہ شام کے اندر مارگرائے جانے کے واقعے کے بعد روس اور ترکی کے درمیان تعلقات بہت کشیدہ ہوگئے ہیں - اس واقعے کے بعد روس نے ترکی کے ساتھ اپنے بیشتر تجارتی منصوبے معطل کردئے ہیں - اور روسی شہریوں سے کہا ہے کہ وہ ترکی کا سفرنہ کریں -