SAHAR

امریکی ریاست فلوریڈا میں فائرنگ کے تازہ واقعے میں ایک شخص ہلاک ہوگیا ہے۔

میامی ہیرالڈ نے پولیس کے حوالے سے بتایا ہےکہ فائرنگ کا یہ واقع میامی شہر کی ایک ہائی وے پر دو کار ڈرائیوروں کے درمیان تلخ کلامی کے بعد پیش آیا۔ پولیس کا کہنا ہے کہ فائرنگ میں ملوث شخص کی تلاش شروع کردی گئی ہے۔ جمعرات کو بھی فلوریڈا کے شہر ھیالیا میں پیش آنے والے فائرنگ کے واقعے میں ایک شخص ہلاک اور دوسرا زخمی ہوگیا تھا۔ امریکہ میں حالیہ مہینوں کے دوران فائرنگ کے واقعات میں زبردست اضافہ ہوا ہے۔تحقیقات کے مطابق امریکہ میں فائرنگ کے واقعات میں ہلاکتوں کی شرح دنیا کے دیگر ملکوں کے مقابلے میں بیس گنا زیادہ ہے۔