SAHAR

فرانس کے وزیر خارجہ نے ایران اور چھے بڑی طاقتوں کے درمیان ایٹمی معاہدے کو سن دو ہزار پندرہ کا دوسرا اہم ترین معاہدہ قرار دیا ہے۔

فرانس کے وزیر خارجہ لوراں فیبیس نے اپنے ایک بیان میں کہا ہے کہ مارچ دو ہزار پندرہ کے دوران ہم نے دو اہم معاہدوں تک رسائی حاصل کی ہے۔ انہوں نے کہا کہ ان دو اہم معاہدوں میں سے ایک ماحولیاتی تبدیلیوں کا معاہدہ کوپ ٹوئنٹی ون اور دوسرا ایران اور چھے بڑی طاقتوں کے درمیان ایٹمی معاہدہ ہے۔

فرانس کے وزیر خارجہ نے صدر حسن روحانی کے مجوزہ دورۂ پیرس کے بارے میں کہا کہ دونوں ممالک کے تعلقات بہت جلد معمول پرآ جائیں گے ۔ انہوں نے کہا کہ صدر ایران کے دورۂ فرانس سے دونوں ملکوں کے درمیان علاقائی معاملات اور باہمی اقتصادی تعلقات کے بارے میں تبادلہ خیال کا موقع فراہم ہو گیا ہے۔