SAHAR

سعودی عرب کے شہر قطیف میں فائرنگ سے ایک سعودی فوجی ہلاک ہو گیا ہے۔

المدائن  کی رپورٹ کے مطابق سعودی عرب کے شہر قطیف میں نامعلوم مسلح شخص نے فائرنگ کرکے ایک سعودی فوجی کو ہلاک کردیا ہے۔ اس رپورٹ کے مطابق مسلح شخص نے سعودی فوجی کو ایک چیک پوسٹ پر نشانہ بنا کر ہلاک کیا ہے۔ سعودی ذرائع نے ہلاک ہونے والے فوجی کا نام فہد قاعد الرویلی بتایا ہے۔

واضح رہے کہ پچّیس مارچ دو ہزار پندرہ کو امریکہ کی حمایت اور سعودی عرب کی سرکردگی میں علاقے کے ملکوں کے اتحاد کے حملوں سے یمن میں فوجی مداخلت شروع ہوئی ہے جو بدستور جاری ہے۔ یمن پر حملوں کے نتیجے میں اب تک دسیوں ہزار یمنی شہری منجملہ عورتیں اور بچے خاک و خون میں غلطاں ہو چکے ہیں۔