روس میں مسافر طیارہ حادثے کا شکار41 افراد ہلاک
May ۰۶, ۲۰۱۹ ۰۸:۱۱ Asia/Tehran
روس میں مسافر طیارے کو حادثہ پیش آیا جس میں اب تک 41 افراد ہلاک ہو چکے ہیں۔
روسی میڈیا کے مطابق روس میں مسافر طیارے میں کریش لینڈنگ کے دوران آگ لگ گئی، حادثے میں دو بچوں سمیت 41 افراد ہلاک اور متعدد زخمی ہوگئے۔
سخوئی سپر جیٹ طیارے نے ماسکو کے ایئر پورٹ سے اڑان بھری تھی کہ آگ لگنے پر اسے فورا اسی ایئر پورٹ پر واپس اتار لیا گیا۔
کریش لینڈنگ کے دوران طیارے کا پچھلا حصہ آگ کی لپیٹ میں آگیا تھا۔ طیارے میں 78 افراد سوار تھے، طیارہ ماسکو سے روس کے شہر مرمینسک جارہا تھا۔
