SAHAR

امریکی صدر دنیا بھر میں اپنی غیر سنجیدہ باتوں کی وجہ سے مشہور ہیں لیکن اس بار تو انہوں نے کمال ہی کر دیا۔

امریکی صدر ڈونلڈ ٹرمپ نے چاند کو مریخ کا حصہ قرار دے کر دنیا بھر کے ماہر فلکیات کو اچھنبے میں ڈال دیا۔

گزشتہ روز انہوں نے اپنے ٹو‏ئیٹ میں کہا تھا کہ اتنا خرچ کرنے کے بعد ناسا کو چاند پر جانے کی بات نہیں کرنی چاہیے، ہم 50 سال پہلے یہ کرچکے ہیں۔

انہوں نے کہا کہ ناسا کو اس سے بڑی چیزوں پر اپنی توجہ مرکوز کرنی چاہیے جیسے کہ مریخ (چاند جس کا حصہ ہے)، دفاع اور سائنس۔

ٹرمپ کی ٹو‏ئیٹ پر دنیا بھر کے ٹوئٹر صارفین نے حیرت کا اظہار کیا اس لئے کہ چاند مریخ کا حصہ نہیں۔

عالمی میڈیا نے ناسا سے اس حوالے سے رابطہ کیا تاہم تاحال ادارے کی جانب سے کوئی وضاحت سامنے نہیں آئی۔

مریخ چاند سے تقریباً 140 ملین میل دور ہے۔