امریکی سفارت کاروں کو ایران مخالف گروہوں سے رابطہ نہ کرنے کا حکم
Jan ۰۸, ۲۰۲۰ ۲۱:۳۵ Asia/Tehran
امریکی وزیر خارجہ مائیک پومپیو نے تمام سفارت کاروں کو وزارت خارجہ کی پیشگی اجازت کے بغیر تمام ایران مخالف گروہوں کے ساتھ رابطوں سے منع کردیا ہے۔
بلومبرگ جریدے کے مطابق مائیک پومپیو نے امریکہ کے تمام سفارت کاروں کو حکم دیا ہے کہ اس عمل کو نقصان سے بچانے کے لیے جسے انہوں نے واشنگٹن تہران ڈپلومیسی کا نام دیا ہے، کسی بھی ایران مخالف گروہ سے رابطہ نہ کیا جائے۔
دنیا بھر میں امریکی سفارت خانوں کو ارسال کیے جانے والے ہدایت نامے میں، ایم کے او، کوملہ پارٹی، الاہوازی جیسے ایران مخالف گروہوں کو بھی کالعدم قرار دیا گیا ہے۔
امریکی وزیر خارجہ کے جاری کردہ خط میں کہا گیا ہے کہ مذکورہ گروہوں کے ساتھ رابطوں سے وائٹ ہاؤس کے سیاسی مفادات کو نقصان پہنچنے کا اندیشہ ہے۔
