SAHAR

امریکی صدر کا طیارہ واشنگٹن کے مضافات میں واقع ایک ایئرپورٹ پر حادثے کا شکار ہوتے ہوتے رہ گیا۔

بلومبرگ کی رپورٹ کے مطابق ایئرفورس کے طیارے میں امریکی صدر ٹرمپ کے ساتھ موجود افراد نے اس واقعے کی تصدیق کرتے ہوئے بتایا کہ واشنگٹن کے قریب ایک ایئرپورٹ پر صدر کا طیارہ لینڈ کرتے وقت ایک ڈرون طیارے سے ٹکرانے سے بال بال بچ گیا۔

عینی شاہدین کا کہنا ہے کہ یہ ڈرون طیارہ، صدر کے طیارے کی لینڈنگ سے  چند لمحے قبل دائیں جانب سے اس کے قریب آگیا۔ ٹرمپ کی سیکورٹی کی ذمہ داری وائٹ ہاؤس کی خفیہ سروس پر ہے۔

امریکی فضائیہ نے اس واقعے کے سلسلے میں کچھ کہنے سے انکار کر دیا ہے۔