صدارتی انتخابات میں کامیابی مجھے ملے گی: ٹرمپ کا دعوی
ڈونالڈ ٹرمپ نے امریکہ کے صدارتی انتخابات میں ایک بار پھر کامیابی حاصل کرنے کا دعویٰ کیا ہے۔
اسپوتنک کی رپورٹ کے مطابق امریکی صدر ڈونلڈ ٹرمپ نے مشی گن میں ایک انتخابی ریلی سے خطاب کرتے ہوئے کہا ہے کہ وہ 3 نومبر کو ہونے والے صدارتی انتخابات میں کامیابی کے لئے پرامید ہیں اور آگے بھی کامیابی حاصل کرتے رہیں گے۔ ہفتہ کے روز ریاست مشی گن کے مسکیگان میں ایک انتخابی ریلی سے خطاب کرتے ہوئے ڈونالڈ ٹرمپ نے دعوی کیا کہ مجھے انتخابات کے نتائج پر فکر کرنے کی ضرورت نہیں اس لئےمجھے امید ہے کہ میں مزید 4 سال کے لئے دوبارہ منتخب ہوں گا ۔
واضح رہے کہ بیلومنٹ یونیورسٹی نیشولی میں ٹرمپ اور ڈیموکریٹک پارٹی کے امیدوار جو بائیڈن کے درمیان 22 اکتوبر کو دوسرا صدارتی مباحثہ ہوگا۔ پہلے صدارتی مباحثے میں جو بائیڈن کا پلڑا بھاری رہا اور اس کے بعد ہونے والے سروے میں وہ ٹرمپ سے 10 فیصد آگے ہیں۔
