کینیڈا میں ہیلووین کے موقع پر تلوار بردار شخص کا حملہ، دو افراد ہلاک اور پانچ زخمی
کینیڈا کے شہر کیوبک میں سالانہ تہوار ہیلووین کے موقع پر ایک تلوار بردار شخص کے حملے میں دو افراد ہلاک اور پانچ زخمی ہوگئے ۔
کینیڈا کے نشریاتی ادارے سی بی اے کی رپورٹ کے مطابق یہ حملہ سنیچر کی رات کیوبک شہر کے پرانے علاقے پارلیمنٹ ہل میں پیش آیا ۔ رپورٹوں میں بتایا گیا ہے کہ حملہ آور شخص قدیم طرز کا لباس پہنے ہوئے تھا۔ حملہ آور کو پولیس نے گرفتار کرلیا ہے اور اس کی عمر بیس سے تیس سال کے درمیان بتائی گئی ہے۔
یا درہے کہ روان برس کے اپریل میں بھی کینیڈا کے صوبے نوواسکاٹیا میں ایک مسلح شخص نے پولیس کی وردی پہن کر اندھا دھند فائرنگ کردی تھی جس میں ایک خاتون پولیس افسر سمیت سولہ افراد ہلاک ہوگئے تھے۔
اسی طرح کا ایک واقعہ دو ہزار اٹھارہ میں ٹورینٹو میں پیش آیا تھا جس میں ایک مسلح شخص نے فائرنگ کرکے ایک خاتون کو ہلاک اور ایک بچی سمیت تیرہ افراد کو زخمی کردیا تھا۔
