بڑھتے کورونا وائرس سے برطانیہ کی بحرانی صورت حال
برطانیہ میں کورونا وائرس کے پھیلاؤ سے اس ملک کی بحرانی صورت حال بدستور جاری ہے۔
ہمارے نمائندے کی رپورٹ کے مطابق برطانیہ کے نقل و حمل کے وزیر نے کہا ہے کہ انکے ملک اور فرانس کے درمیان ریلویز اور بحری رابطے بدستور جاری رہیں گے۔
گرانٹ شاپس کا یہ بیان ایسے وقت میں سامنے آیا ہے کہ جب برطانیہ میں جدید کورونا کے پھیلاؤ کی بنا پر ڈوور کے اطراف کے علاقوں میں ہزاروں کی تعداد میں ٹرک رکے کھڑے ہوئے ہیں۔
ٹرک ڈرائیو اب تک چار راتیں اپنے ٹرکوں میں بسر کر چکے ہیں اور وہ آگے بڑھنے کے لئے کورونا ٹیسٹ لئے جانے کے منتظر ہیں۔
ٹرانزیٹ امور کے یورپی کمشنر کا کہنا ہے کہ یورپ کے تقریبا دس ہزار ٹرک مالکوں اور ڈرائیوروں کو برطانیہ واپس لوٹنے میں کافی مشکلات کا سامنا ہے۔
واضح رہے کہ برطانیہ میں نئے قسم کے کورونا وائرس کے پھیلنے سے اس ملک کے ساتھ رفت و آمد کا سلسلہ بند کر دیا گیا ہے۔
