SAHAR

اسکاٹ لینڈ کی فرسٹ منسٹر نے ٹرمپ کی میزبانی اور انہیں اپنے یہاں آنے کی اجازت دینے سے انکار کردیا ہے۔

 ہمارے نمائندے کے مطابق اسکاٹ لینڈ کی فرسٹ منسٹر نکولا اسٹرجن نے صدر ٹرمپ کی اسکاٹ لینڈ آمد سے متعلق خبروں پر تبصرہ کرتے ہوئے کہا کہ سفر پر پابندیوں کے پیش نظر وہ ٹرمپ کی میزبانی نہیں کر سکتیں۔

انہوں نے کہا کہ کسی بھی مسافر کو  کورونا کے قرنطینہ قوانین کے مطابق اسکاٹ لینڈ آنے کا حق نہیں ہے۔ انہوں نے کہا کہ ٹرمپ کو اسکاٹ لینڈ آنے کی اجازت نہیں دی جائے گی۔
غیر ملکی ذرائع کا کہنا ہے کہ صدر ڈونلڈ ٹرمپ منتخب صدر جو بائیڈن کی تقریب حلف برداری کے موقع پر گولف کھیلنے کے لئے اسکاٹ لینڈ جانے کا ارادہ رکھتے ہیں۔