SAHAR

یمنی انقلابیوں نے ابہا اور جدہ ائرپورٹس پر سعودی اتحاد کے فوجی ہینگرز پر حملے کئے ہیں۔

یمن کے یمنی انقلابیوں نے سعودی عرب کے جدہ اور ابھا ایئرپورٹ پر سعودی اتحاد کے فوجی ہینگرز کو نشانہ بنانے کی خبر دی  ہے۔

یمنی انقلابیوں کے مطابق یہ حملہ ڈرونز کے ذریعے کیا گیا تھا اور اس کے نتیجے میں دو گھنٹوں تک ان ایئرپورٹس پر فضائی آمد و رفت معطل رہی۔

یمن میں سرگرم عرب اتحاد کا کہنا ہے کہ انہوں نے پیر کی صبح سعودی عرب کی جانب بھیجے گئے یمنی انقلابیوں کے ڈرونز تباہ کئے ہیں تاہم اس بات کی تصدیق نہیں کی گئی کہ ڈرون حملوں سے ائیر پورٹس پر جہازوں کی آمد ورفت متاثر ہوئی ہے ۔

چند روز پہلے یمنی انقلابیوں نے ابھا انٹرنیشنل ایئرپورٹ پر موجود اتحادیوں کے ائربیس پر حملہ کیا تھا، جس کے نتیجے میں  مبینہ طور پر ایک مسافر بردار جہاز کو آگ لگ گئی تھی۔