صدارتی انتخابات میں دھاندلی ہوئی: ٹرمپ
Mar ۰۱, ۲۰۲۱ ۱۰:۳۳ Asia/Tehran
سابق امریکی صدرڈونلڈ ٹرمپ نے 2024 کا صدارتی انتخاب لڑنے کا اعلان کیا ہے۔
کنزرویٹو پولیٹیکل ایکشن کانفرنس میں شکست خوردہ ڈونلڈ ٹرمپ کا کہنا تھا کہ نومبر میں ہونے والے امریکی صدارتی انتخاب کو چرایا گیا اور بڑے پیمانے پر دھاندلی ہوئی جس کی وجہ سے میں ہار گیا تاہم اگلی بار شکست دینے کا فیصلہ کرسکتا ہوں۔
سابق امریکی صدر نے کہا کہ کوئی نئی سیاسی جماعت بنانے کا ارادہ نہیں، نئی پارٹی بنانے سے متعلق مجھ سے منسوب خبریں جعلی ہیں۔
واضح رہے کہ شکست خوردہ سابق امریکی صدر ٹرمپ نے انتخابات میں شکست کے بعد نہ فقط جو بائیڈن کی حلف برداری کی تقریب میں شرکت نہیں کی بلکہ اس کے حامیوں نےامریکی کانگریس پر حملہ بھی کیا ۔
