صیہونی اشتعال انگیز پرچم ریلی کے لئے تیار، امریکہ نے اپنے سفارتکاروں کو خبردار کیا
امریکہ نے پرچم ریلی کے پیش نظر اپنے سفارتکاروں کو ہوشیار رہنے کا حکم دیا ہے۔
فارس نیوز ایجنسی کی رپورٹ کے مطابق صیہونی حکومت کی جانب سے پرچم ریلی کے اشتعال انگيز پروگرام پرعمل درآمد کی منظوری اور فلسطینی استقامتی محاذ کی جانب سے اسرائیل کی خود ساختہ حکومت کو انتباہ دیئے جانے کے بعد امریکی وزرات خارجہ نے مقبوضہ فلسطین میں مقیم اپنے شہریوں کو ہوشیار رہنے کا حکم دیا ہے۔
امریکی وزارت خارجہ کے بیان میں قدس کے قدیمی علاقے میں تمام سفارتکاروں، ان کے اہل خانہ اور تمام امریکی شہریوں کی رفت آمد کو منگل کے روز ممنوع قرار دیا گیا ہے۔
امریکی وزارت خارجہ کے بیان میں اس پابندی کی وجہ پرچم ریلی کا انعقاد اور اس کے جواب میں فلسیطنیوں کے مظاہروں کو قرار دیا گیا ہے۔
واضح رہے کہ واشنگٹن کے حکام پرچم ریلی کے اشتعال انگیز اقدام کے پیش نظر صہیونی وزیرجنگ سے یہ کہہ چکے ہیں کہ اس اقدام سے بیت المقدس کے اندر صورتحال پھر سے کشیدہ ہوسکتی ہے۔
