SAHAR

امریکی ریاست نیو میکسیکو کے شہر البوکرکی کے ایک اسکول میں فائرنگ ہوئی جس میں ایک طالبعلم مارا گیا۔

 ریاست نیو مکسیکو کی پولیس نے اعلان کیا ہے کہ فائرنگ کے اس واقعے میں ایک طالبعلم مارا گیا۔ یہ واقعہ دو طالبعلموں کے درمیان جھگڑے کے دوران پیش آیا جس میں ایک تیرہ سال کے طالبعلم نے فائرنگ کی جو اس وقت پولیس کی حراست میں ہے۔

ریاستی پولیس نے اس سلسلے میں کچھ نہیں بتایا کہ اس طالبعلم کو اسکول میں اسلحہ کہاں سے ملا۔ 

امریکہ کو تشدد، اغوا اور مسلحانہ حملوں کی لہر کا سامنا ہے امریکہ میں ہر سال ہزاروں افراد فائرنگ اور تشدد کے واقعات میں ہلاک و زخمی ہوجاتے ہیں ۔