SAHAR

امریکی صدر جو بائیڈن کے خصوصی مندوب نے شمالی کوریا سے پھر سے مذاکرات شروع کرنے کی خواہش ظاہر کی ہے۔

فارس نیوز ایجنسی کی رپورٹ کے مطابق شمالی کوریا کے لئے امریکی صدر جو بائیڈن کے خصوصی مندوب سونگ کیم نے پیر کے روز کہا کہ وہ شمالی کوریا کے ساتھ کہیں بھی اور کسی بھی وقت مذاکرات کے لئے تیار ہیں۔

کیم نے یہ بات شمالی کوریا کے ساتھ رکے ایٹمی مذاکرات کو لے کر جنوبی کوریا کے حکام کے ساتھ تبادلہ خیال کے دوران کہی۔

امریکی صدر کے خصوصی مندوب ایسے وقت میں جنوبی کوریا کے سفر پر ہیں کہ جب شمالی کوریا کے ساتھ مذاکرات جلد بحال ہونے کی امید کم ہوتی جا رہی ہے۔

اس کی اصل وجہ یہ ہے کہ امریکا اور جنوبی کوریا کے درمیان جاری مشترکہ فوجی مشقوں کے سبب کشیدگی پیدا ہوگئی ہے۔ شمالی کوریا نے ان فوجی مشقوں کو حملے کی مشق قرار دیتے ہوئے جوابی کاروائی کی دھمکی دی ہے۔