SAHAR

اٹلی میں مسافر طیارہ حادثے کا شکار ہو گیا جس کے نتیجے میں 8 افراد ہلاک ہوگئے۔

فارس خبررساں ایجنسی کی رپورٹ کے مطابق  اٹلی کے شہر میلان میں چھوٹا مسافر بردارنجی طیارہ 2 منزلہ عمارت سے ٹکرا گیا جس کے نتیجے میں طیارے میں سوار 8 افراد ہلاک ہوگئے۔

شہر میلان میں ایک چھوٹے طیارے نے لناٹ سٹی ہوائی اڈے سے جزیرہ سرڈینیا کے لیے اُڑان بھری تھی تاہم کچھ ہی دیر بعد طیارہ ایک خالی عمارت سے ٹکرا گیا جس سے جہاز میں آگ بھڑک اُٹھی۔

فائر بریگیڈ کے عملے نے طیارے میں لگی آگ پر ایک گھنٹے کے بعد قابو پالیا۔ طیارے کے ملبے سے 8 افراد کی لاشیں نکالی گئی ہیں۔ تاحال ہلاک ہونے والوں کی شناخت نہیں ہوسکی ہے۔