تجارتی مرکز میں لگنے والی آگ میں 7 صیہونی جھلسے
Oct ۱۷, ۲۰۲۱ ۲۲:۴۹ Asia/Tehran
مقبوضہ فلسطین کے قلنسوہ علاقے میں واقع تجارتی مرکز میں لگنے والی آگ میں کم از کم سات صیہونی زخمی ہو گئے۔
لبنان کی العہد ویب سائٹ کے مطابق مقبوضہ شہر قلنسوہ کے تجارتی مرکز میں ہفتے کو آگ لگی جس میں جھلس کر سات صیہونی زخمی ہو گئے۔ زخمیوں میں ایک پولیس افسر بھی شامل ہے۔
اخبار ٹائمز آف اسرائیل نے بعض عینی شاہدوں کے حوالے سے لکھا ہے کہ جس وقت تجارتی مرکز میں آگ لگی یہ مرکز لوگوں سے کھچا کھچ بھرا ہوا تھا۔
گذشتہ چند ماہ کے دوران مقبوضہ فلسطین کے مختلف علاقوں منجملہ تل ابیب یونیورسٹی اور بن گورین ایرپورٹ کے قریب آگ لگنے کے متعدد مشکوک واقعات پیش آئے ہیں۔
