امریکہ کی 3 یونیورسٹیاں بم رکھنے کی وجہ سے بند
Nov ۰۸, ۲۰۲۱ ۰۹:۳۱ Asia/Tehran
امریکہ کی تین یونیورسٹیوں کو بم کی دھمکیاں ملنے کے بعد بند کر دیا گیا۔
فارس خبر رساں ایجنسی کی رپورٹ کے مطابق امریکہ میں نیویارک کی کولمبیا یونیورسٹی، بروان ( Brown) یونیورسٹی اور ییل(Yale ) یونیورسٹی کو فوری طور پر بند کر دیا گیا۔
ان یونیورسٹیوں کو بم کی دھمکیاں ملنے کے بعد انہیں خالی کرنے کا حکم دیا گیا۔ کولمبیا یونیورسٹی نے ٹویٹر پر کہا یونیورسٹی کی عمارتوں پر اتوار7 نومبر کی شام تقریباً 14.30 بجے بم کی دھمکی کے بعد ہنگامی الرٹ جاری کیا گیا۔ نیویارک کی پولیس اس معاملے کی تحقیقات کر رہی ہے۔
گزشتہ مہینوں کے دوران امریکہ کے مختلف علاقوں میں بم رکھنے کی اطلاعات موصول ہوئیں۔
