SAHAR

مقبوضہ فلسطین کے شہر صفد کے بس ٹرمنل میں وسیع پیمانے پر آتشزدگی کا واقعہ پیش آیا ہے۔

فلسطینی ذرائع‏ کا کہنا ہے کہ آتشزدگی کے اس واقعے میں آٹھارہ بسیں جل کر راکھ ہو گئیں۔ یہ بسیں شہر الناصرہ میں ایک صیہونی کمپنی کی بتائی جاتی ہیں۔ ابھی آگ لگنے کی وجہ سامنے نہیں آئی ہے تاہم بتایا جاتا ہے کہ اس واقعے میں بھاری مالی نقصان ہوا ہے۔
صیہونی پولیس نے تحقیقات شروع کردی ہیں۔
حال ہی میں مقبوضہ فلسطین کے مختلف علاقوں میں آتشزدگی کے کئی بڑے واقعات رونما ہوئے ہیں۔
آتشزدگی کے ان واقعات کی خبریں ایسی حالت میں ذرائع‏ ابلاغ میں آئی ہیں کہ صیہونی حکومت نے ان خبروں کو دبانے کی بھرپور کوشش کی ہے۔