SAHAR

جنگ یوکرین اور روس مغرب کشیدگی کے نتیجے میں یورپی ممالک اپنی بجلی کی ضرورت پوری کرنے کے لیےمہنگی ایل این جی خریدنے پر مجبور ہوگئے ہیں۔

جنگ یوکرین اور روس مغرب کشیدگی کے نتیجے میں لندن کے بازار حصص سے وابستہ تحقیقی ادارے ایکون کے جاری کردہ اعداد و شمار کے مطابق رواں سال کے اختتام تک یورپ میں ایل این جی کی درآمد کا حجم ایک سو پچاس مکعب میٹر سے تجاوز کرجائے گا۔
ایکون کے جائزے میں کہا گیا ہے کہ یورپ نے رواں سال ستمبر تک ، ساٹھ ارب ڈالر سے زائد کی ایل این جی درآمد کی ہے اور ایل این جی کی خریداری کا سلسلہ اسی حجم کے ساتھ جاری رہا تو، رواں سال کے اختتام تک ایل این جی کی ادائیگیوں کا تخمینہ نوے ارب ڈالر تک پہنچ جائے گا۔ جو گزشتہ سال کے مقابلے میں تین گنا زیادہ ہے۔
یورپ نے دوہزار اکیس میں اپنی ضرورت کی ایل این جی صرف پینتس ارب ڈالر کے عوض خریدی تھی۔