برطانوی ادارے کا دعوی، ایرانی اور روسی ہیکرز کے نشانے پر سیاست دان
برطانیہ کے ایک ادارے نے دعویٰ کیا ہے کہ ایرانی اور روسی ہیکرز ہمارے سیاستدانوں کو نشانہ بنا رہے ہیں۔
سحر نیوز/ دنیا: برطانوی آن لائن سیکیورٹی ایجنسی نے دعویٰ کیا ہے کہ روس اور ایران کی حکومت سے وابستہ ہیکرز برطانیہ میں سیاستدانوں، صحافیوں اور محققین کو نشانہ بنا رہے ہیں۔
برطانوی آن لائن سیکیورٹی ایجنسی نے دعویٰ کیا کہ روس اور ایران کی حکومتوں سے وابستہ ہیکرز عوام کی ای میلز تک رسائی کے لیے جدید ترین مہم کے ذریعے سیاست دانوں، صحافیوں اور محققین کو تیزی سے نشانہ بنا رہے ہیں۔
گارڈین کے مطابق برطانیہ کے نیشنل سائبر سیکیورٹی سینٹر این سی ایس سی نے روس اور ایران کے دو گروپوں کے بارے میں ایک انتباہ جاری کیا اور حکومت، دفاع، تھنک ٹینکس اور میڈیا کے ارکان کو خبردار کیا کہ وہ ایسے لوگوں کے بدنیتی پر پر نظر رکھیں جو کانفرنس کے میزبان، صحافی یا رفقائے کار طور پر خود کو ظاہر کرتے ہیں۔
دعوے کے مطابق یہ دونوں گروپ کئی برسوں سے سرگرم ہیں لیکن حال ہی میں ان کی شناخت برطانیہ کے ساتھ امریکہ اور نیٹو کے دیگر ممالک میں بھی اپنی سرگرمیاں تیز کرنے کے طور پر ہوئی ہے کیونکہ یوکرین میں جنگ جاری ہے اور ان کا مقصد راز چرانا ہے یا معروف شخصیات کو رسوا کرنے کے لیے آن لائن خط و کتابت کو بے نقاب کرنا ہے۔
برطانوی نیشنل سائبر سیکیورٹی سینٹر نے دعویٰ کیا ہے کہ ایک معاملے میں چارمنگ کیٹن نامی ایرانی گروپ نے زوم سافٹ ویئر کے ذریعے ہدف والے شخص سے جعلی ملاقات کی اور فون کال کے دوران چیٹ بار میں تباہ کن لنک شیئر کیا۔
دعوے کے مطابق، بعض اوقات دو یا دو سے زیادہ جعلی لوگوں کو احتیاط سے منصوبہ بند کوشش میں استعمال کیا جاتا ہے تاکہ لوگوں کو یہ باور کرایا جا سکے کہ ان کی درخواست یا کام جائز اور قانونی ہے۔
