SAHAR

امریکی وزیر خارجہ انٹونی بلنکن نے چین کا دورہ ملتوی کر دیا ہے۔

سحر نیوز/دنیا: امریکی حکام نے مشتبہ چینی غبارے کا بہانہ بنا کر اس دورے کو ملتوی کر دیا ہے۔ امریکہ میں چین کے مبینہ جاسوس غبارے کی پرواز کے بعد یہ دورہ ملتوی کرنے کا اعلان کیا گیا ہے۔ چین کا کہنا ہے کہ یہ بلون غیر فوجی ہے۔

امریکی میڈیا کے مطابق سیکریٹری خارجہ نہیں چاہتے تھے کہ چینی حکام سے ملاقات میں صرف بزعم خود جاسوس غبارے کی پرواز کے متعلق بات ہو لہٰذا انہوں نے دورۂ چین ملتوی کر دیا۔

یاد رہے کہ امریکی حکام نے دعویٰ کیا تھا کہ پینٹاگون ایک مشتبہ چینی جاسوس غبارے کا سراغ لگا رہا ہے جو امریکہ کے اوپر پرواز کر رہا ہے۔ اپنے آپ کو سپر پاور کے طور پر پیش کرنے والا امریکہ اب اپنی ساکھ بچانے کے درپے ہے۔