امریکی صدر بائیڈن نے نورڈ اسٹریم پائپ لائن میں دھماکہ کیوں کیا، وجہ سامنے آ گئی
حال ہی میں سی آئی اے کی جانب سے یورپ جانے والی روسی گیس پائپ لائن کو دھماکے سے اڑانے کا انکشاف کرنے والے مشہور امریکی صحافی نے اس کارروائی کی وجہ بتا دی۔
سحر نیوز/ دنیا: فارس خبر رساں ایجنسی کے مطابق، تجربہ کار امریکی صحافی سیمور ہرش، جنہوں نے حال ہی میں سی آئی اے کی جانب سے بحیرہ بالٹک میں نورڈ اسٹریم پائپ لائن کے دھماکے کا انکشاف کیا تھا ایک انٹرویو میں واشنگٹن کے اس اقدام کی وجہ کے بارے میں وضاحت کرتے ہوئے رشاٹوڈے نیوز چینل کو انٹرویو دیتے ہوئے کہا کہ امریکی صدر جو بائیڈن کا اس پائپ لائن کو اڑانے کا حکم جاری کرنے کا مقصد اس بات کو یقینی بنانا تھا کہ جرمنی روس کے خلاف پابندیوں کے بارے میں اپنا ذہن تبدیل نہ کر سکے۔
تقریباً دو ہفتے قبل، اس نے انکشاف کیا تھا کہ بحیرہ بالٹک میں نورڈ سٹریم پائپ لائن کا دھماکہ ایک خفیہ آپریشن تھا جس کا حکم وائٹ ہاؤس نے دیا تھا اور سی آئی اے نے یہ کام کیا تھا۔
سیمور ہرش نے انکشاف کیا کہ امریکی غوطہ خوروں نے نیٹو کی فوجی مشق کا احاطہ کیا اور پائپ لائن کے ساتھ بارودی سرنگیں لگانے کی کوشش کی اور پھر اسے دور سے اڑا دیا۔
انہوں نے یہ بھی کہا کہ اس خفیہ آپریشن کا حکم جو بائیڈن نے جاری کیا تھا ۔
سیمور ہرش نے ایک نئے انٹرویو میں کہا، نئے مشن کے مطابق یہ یقینی بنانا تھا کہ یورپ نیٹو کی حمایت جاری رکھے اور روس کے خلاف اس پراکسی جنگ میں ہتھیار بھیجنا بند نہ کرے۔
ویتنام میں 500 شہریوں کے بڑے پیمانے پر قتل اور عراق کی ابوغریب جیل میں قیدیوں پر تشدد کا انکشاف کرنے والے 85 سالہ سیمور ہرش نے مزید کہا کہ امریکی خفیہ ایجنسیوں نے اس کو دھماکے سے اڑانے کا منصوبہ بنایا تھا۔
