اسرائیلی اخبار کا اعتراف، فوج بند گلی میں پہنچ گئی ہے
صیہونی اخبار ہاآرٹص نے اعتراف کیا ہے کہ اسرائیلی فوج ایسی جگہ پہنچ گئی ہے جہاں سے اس کی واپسی ناممکن ہے۔
سحر نیوز/ دنیا: اسرائیلی اخبار ہاآرٹصHaaretz نے صیہونی حکومت کی فضائیہ میں پیدا ہونے والے بحران کے نتائج کا ذکر کرتے ہوئے خبر دی ہے کہ فوج کی صورت حال "نان ریٹرننگ پوائنٹ" جیسی ہو جائے گی۔
صیہونی اخبار ہارٹص نے اطلاع دی ہے کہ آئندہ دو ہفتوں میں غاصب حکومت کی فوج کی ریزرو فورسز کی صورت حال "نان ریٹرننگ پوائنٹ" جیسی ہو سکتی ہے۔
المیادین چینل کی ویب سائٹ کی رپورٹ کے مطابق، ہارٹص نے اپنی رپورٹ میں لکھا ہے کہ محکمہ انٹیلی جنس میں تقریباً 650 اسپیشل آپریشن یونٹس اور سائبر اٹیک یونٹس نے اعلان کیا ہے کہ وہ 19 مارچ سے اپنے احتجاجی اقدامات کو تیز کریں گے۔
ہارٹص کی رپورٹ میں کہا گیا ہے کہ صیہونی فوج کی طرف سے آنے والے دنوں میں ریزرو فورسز میں عدم شمولیت اور کام نہ کرنے کی دھمکی اور اگر عدالتی اصلاحات کا منصوبہ منظور ہو جاتا ہے تو یہ اب کوئی نظریہ نہیں بلکہ عملی اقدام ہوگا۔
صیہونی اخبار نے صہیونی فوج کے جوائنٹ اسٹاف میں مستقبل میں ہونے والی تبدیلیوں کے حقیقی خوف کی طرف اشارہ کیا اور انہیں آفٹر شاکس قرار دیا جو ریزرو فورسز سمیت دیگر فوج کے شعبوں میں بھی آ سکتے ہیں۔
