SAHAR

امریکہ کی ریاست وسکانسن میں ہونے والی فائرنگ میں تین افراد ہلاک ہو گئے۔

سحر نیوز/ دنیا: یہ واقعہ اس وقت رونما ہوا جب پولیس اہلکاروں نے ایک کار کو روکنے کی کوشش کی تو اس میں سوار شخص نے پولیس والوں کو نشانہ بنایا، جوابی فائرنگ میں وہ شخص بھی زخمی ہوگیا۔ حملہ آور شخص ہسپتال پہنچنے سے قبل ہی ہلاک ہوگیا۔ دونوں پولیس اہلکار بھی اس واقعے میں ہلاک ہو گئے۔
یہ واقعہ امریکی ریاست وسکانسن کے بارون علاقے میں پیش آیا ہے۔

قابل ذکر ہے کہ شروع سال سے اب تک دس ہزار افراد امریکہ میں گن کلچر کے بھینٹ چڑھ چکے ہیں۔