امریکہ: بین الاقوامی ہوائی اڈے کی پارکینگ میں فائرنگ سے 2 پولیس افسر ہلاک و زخمی
امریکی ریاست فیلاڈلفیا کے بین الاقوامی ہوائی اڈے کی پارکینگ میں فائرنگ کے واقعے کے نتیجے میں ایک پولیس افسر ہلاک اور ایک زخمی ہوگیا
سحر نیوز/ دنیا: امریکی ریاست فلاڈیلفیا کے عارضی پولیس کمشنر جان اسٹینفورڈ نے ایک پریس کانفرنس میں ان دو پولیس افسروں کے ہلاک اور زخمی ہونے کی خبر دیتے ہوئے کہا ہے کہ یہ پولیس افسر فیلاڈلفیا بین الاقوامی ہوائی اڈے کی پارکینگ میں اس وقت فائرنگ کا نشانہ بنے جب کچھ افراد ایک گاڑی کا شیشہ توڑ رہے تھے- اسی وقت یہ دونوں پولیس افسر پہنچ گئے جن پر شیشہ توڑنے والے مشتبہ افراد نےگولی چلا دی اور ایک افسر کے بدن کے بالائی حصے پر کئی راؤنڈ فائر کئے جس کے نتیجے میں یہ پولیس افسر اسپتال میں دم توڑ گيا اور دوسرے پولیس افسر کے بھی بازو میں گولی لگی ہے-
اخبار فیلاڈلفیا انکوائرر نے ایک رپورٹ میں کہا ہے کہ مشتبہ افراد ایک گاڑی چوری کرکے فرار کرگئے اور پولیس ان کو تلاش کر رہی ہےاس اخبار نے مزید لکھا کہ ایک اٹھارہ سالہ نوجوان کو اسی گاڑی سے باہر پھینکا گیا کہ جس کے بدن پر دو گولیاں لگی تھیں - بعد میں اسے مردہ قرار دے دیا گیا۔
