امریکی شہر شیکاگو میں صحت کے شعبے میں کام کرنے والے ملازمین نے غزہ کے ہسپتالوں اور ہیلتھ سینٹرز پر غاصب صیہونی فوج کے وسیع حملوں کے خلاف آرٹ میوزیم کے سامنے احتجاج کیا۔

سحرنیوز/دنیا: سی بی ایس کی رپورٹ کے مطابق اس اجتماع میں موجود ڈاکٹروں نے صیہونی حکومت کے ہاتھوں شہید ہونے والے ڈاکٹروں اور نرسوں کی تصاویر اور نام دکھائے اور ان کا ذکر کیا۔ ان ڈاکٹروں نے غزہ میں صیہونیوں کے ہاتھوں کی جانے والی نسل کشی کی بھی مذمت کی اور جنگ بندی کی ضرورت پر زور دیا۔
واضح رہے کہ غاصب اسرائيل نے حماس کے ساتھ ایک ہفتے کی جنگ بندی کے بعد غزہ پٹی پر از سر نو فوجی حملے شروع کردیئے ہیں۔ اس علاقے پر صیہونی فوجیوں کے وحشیانہ حملوں میں کم از کم سترہ ہزار سات سو فلسطینی شہید ہوچکے ہیں۔