SAHAR

یورپی یونین کی خارجہ پالیسی کے سربراہ جوزف بوریل نے شام اور عراق میں امریکی حملوں کے نتائج پر تشویش کا اظہار کرتے ہوئے مغربی ایشیاء کے کشیدہ حالات کے بارے میں خبردار کیا ہے۔

سحرنیوز/دنیا: ارنا کی رپورٹ کے مطابق جوزف بوریل نے بریسلز میں یورپی یونین کے وزرائے خارجہ کے اجلاس کے اختتام پر صحافیوں سے گفتگو کرتے ہوئے شام اور عراق کے خلاف امریکہ کے حملوں کی جانب اشارہ کیا۔ جوزف بوریل نے کہا کہ ہر حملہ جو کشیدگی پیدا ہونے کا باعث بنے اس سے کشیدگی اور جنگ کا دائرہ بڑھ سکتا ہے۔
جوزف بوریل نے اس بات کا ذکر کرتے ہوئے کہ ایک چنگاری بھی کسی بڑے سانحے کو جنم دے سکتی ہے کہا کہ ہم حملوں کا سلسلہ روکنے کی کوشش کریں گے۔