بائیڈن کی اہلیہ نے اپنے شوہر کی عمر کا دفاع کیا+ ویڈیوز
جِل بائیڈن کا کہنا ہے کہ جو بائیڈن اپنی عمر کی وجہ سے سب سے موثر امریکی سربراہ میں ایک ہیں!
سحر نیوز/ دنیا: صدارت کی دوسری مدت کے لیے بائیڈن کی ذہنی معذوری کے بارے میں زیادہ تر امریکیوں کی تشویش کے باوجود، جس کا وہ کبھی کبھار عوامی جلسوں میں مشاہدہ کرتے ہیں، جو بائیڈن کی اہلیہ جِل بائیڈن نے اپنی انتخابی مہم میں انہیں امریکہ کی جدید تاریخ کے سب سے موثر سربراہوں میں سے ایک قرار دیا ہے!
فارس نیوز ایجنسی کے مطابق وسکانسن میں ایک انتخابی مہم میں امریکی صدر کی اہلیہ جل بائیڈن نے اپنے شوہر جو بائیڈن کی عمر کو امریکہ کا اثاثہ قرار دیا اور کہا کہ یہ انتخاب یعنی نومبر کا صدارتی انتخاب یقینی طور پر عمر کے بارے میں نہیں ہے۔
ان کا کہنا تھا کہ جو بائیڈن اور ٹرمپ بنیادی طور پر ایک ہی عمر کے ہیں، آئیے بیوقوف نہ بنیں۔
انہوں نے مزید کہا کہ جو اپنی عمر کے باوجود نہیں بلکہ اپنی عمر کی وجہ سے ہماری زندگی کے سب سے موثر سربراہوں میں ایک ہیں۔
اگرچہ 81 سالہ بائیڈن اور 78 سالہ ٹرمپ، جو اس سال کے امریکی انتخابات میں حریف ہیں، عمر کے لحاظ سے دونوں میں زیادہ فرق نہیں ہے تاہم جو بائیڈن کئی بار عوامی جلسوں اور پروگرامز میں رسوا ہو چکے ہیں۔
ان کے خصوصی وکیل رابرٹ ہوئر نے امریکی صدر کو "ایک بوڑھا آدمی جس کی یادداشت کمزور ہوتی ہے" قرار دے دیا تھا۔
پیو پول کے نتائج سے پتہ چلتا ہے کہ امریکی صدارتی انتخابات تک یعنی آٹھ ماہ سے بھی کم عرصے میں، اس ملک کے ایک چوتھائی لوگ خود کو دو ایسے لوگوں میں سے ایک کے انتخاب پر مجبور پاتے ہیں جو ان میں سے کسی ایک کو بھی پسند نہیں کرتے۔
