SAHAR

امریکی سینیٹر برنی سینڈرز نے صیہونی حکومت اور حماس کے درمیان جنگ بندی کا مطالبہ کرتے ہوئے کہا ہے کہ امریکی عوام غزہ میں بنیامین نیتن یاہو کی وحشیانہ جنگ کی حمایت نہیں کرتے۔

سحر نیوز/ عالم اسلام: سوشل میڈیا ایکس پر اپنے ایک بیان میں امریکی سینیٹر برنی سینڈرز نے لکھا ہے کہ اگر ڈیموکریٹس چاہتے ہیں کہ امریکی نوجوان سیاست اور انتخابات میں حصہ لیں تو انہیں غزہ کے بارے میں اپنا نقطہ نظر تبدیل کرنا چاہیے۔

برنی سینڈرز نے جو کہ ایک عرصے سے صیہونی حکومت کے لیے امریکی فوجی امداد کو ختم کرنے کا مطالبہ کر رہے ہیں، غزہ میں فوری جنگ بندی کی ضرورت پر تاکید کرتے ہوئے مزید کہا ہے کہ امریکی عوام غزہ میں نیتن یاہو کی وحشیانہ جنگ کی حمایت نہیں کرتے۔