پاکستانی سکیورٹی فورسز کی کارروائی میں 41 دہشتگرد ہلاک

Jan ۳۰, ۲۰۲۶ ۲۱:۰۴ Asia/Tehran

پاکستانی سکیورٹی فورسز نے صوبے بلوچستان میں دو مختلف کارروائیاں کرتے ہوئے 41 دہشتگردوں کو ہلاک کردیا۔

سحرنیوز/پاکستان: پاکستانی میڈیا کا کہنا ہے کہ فوج کے شعبہ تعلقات عامہ (آئی ایس پی آر) کے مطابق 29 جنوری کو بلوچستان میں دو الگ الگ کارروائیاں کی گئیں جن میں 41 دہشتگرد ہلاک ہوئے۔

آئی ایس پی آر کے مطابق ہرنائی ضلع کے نواحی علاقے میں خفیہ اطلاعات پر کارروائی کی گئی، اس دوران سکیورٹی فورسز نے دہشتگردوں کے ٹھکانے کو مؤثر انداز میں نشانہ بنایا اور شدید فائرنگ کے تبادلے کے بعد 30 دہشت گردوں کو ہلاک کردیا۔

ہمیں فالو کریں:

آئی ایس پی آر کا کہنا ہے کہ دوسری کارروائی ضلع پنجگور میں خفیہ اطلاع پر کی گئی جس دوران دہشتگردوں کا ٹھکانا تباہ کیا گیا، اس کارروائی میں 11 دہشتگرد ہلاک ہوئے۔