SAHAR

امریکی پابندیوں کے جواب میں روس نے بھی امریکی شہریوں پر پابندی عائد کردی۔

سحرنیوز/دنیا: روسی وزارت خارجہ کا کہنا ہے کہ روس نے 92 امریکی شہریوں پر روس میں داخلے پر پابندی لگادی ہے۔ پابندیوں میں امریکی صحافی، فوجی اور حکومتی عہدیدار شامل ہیں، یہ پابندیاں امریکا کے روس مخالف اقدامات پر لگائی گئی ہیں۔
روسی وزارت خارجہ نے کہا کہ یہ کارروائی امریکی صدر جو بائیڈن کی انتظامیہ کے "روس فوبیا" اور روسی سیاست دانوں، تاجروں، سائنسدانوں اور صحافیوں کے خلاف اس کی وسیع پابندیوں کے خلاف ماسکو کے ردعمل کا حصہ ہے۔ رپورٹ کے مطابق امریکا نے یوکرین جنگ سے تعلق کے الزام میں 4 سو روسی شہریوں پر پابندیاں لگائی ہیں۔