SAHAR

عالمی ابلاغیاتی ذرائع کے مطابق کینیڈا کے وزیر اعظم مارک کرنی نے اعلان کیا ہے کہ ان کی حکومت نے فلسطینی ریاست کو تسلیم کرلیا ہے۔

سحرنیوز/دنیا: انھوں نے اسی کے ساتھ کہا کہ صیہونی حکومت فلسطینی ریاست کے قیام کے امکانات کو روکنے کے لئے بھرپور کوشش کررہی ہے۔
انھوں نے اسی کے ساتھ غرب اردن میں صیہونی کالونیوں کی تعمیر کو غیر قانونی قرار دیا ہے۔
اسی طرح آ‎سٹریلیوی حکومت نے بھی فلسطینی ریاست کو باضابطہ طور پر تسلیم کرنے کا اعلان کیا ہے۔ 
برطانیہ کے وزیر اعظم کیئر اسٹارمر نے بھی فلسطینی ریاست کو باضابطہ تسلیم کرلینے کا اعلان کیا ہے۔
دوسری طرف برطانوی وزیر خارجہ ڈیوڈ لیمی نے کہا ہے کہ تسلیم کرلینے سے آزاد فلسطینی ریاست قائم نہیں ہوجائے گی بلکہ یہ امن مذاکرات کو آگے بڑھانے کی کوششوں کا ایک حصہ ہے۔