SAHAR

روسی وزارت دفاع نے ایک بیان میں اعلان کیا ہے کہ اس ملک کے فضائی دفاعی نظام نے کل رات سے روس کے مختلف علاقوں میں یوکرین کے ترانوے ڈرونز کو مار گرایا ہے-

سحرنیوز/دنیا: روسی وزارت دفاع کے بیان کے مطابق ان میں سے پینتالیس ڈرونز صرف بیلگوروڈ کے علاقے میں مار گرائے گئے۔ بیان میں کہا گیا ہے کہ روس کے فضائی دفاعی نظام نے ملک کے بیلگوروڈ، کراسنوڈار، نزنی نوگوروڈ اور ورونز کے علاقوں میں یوکرین کے ڈرونز کو نشانہ بنا کر تباہ کر دیا ہے۔
روسی وزارت دفاع کے بیان میں مزید کہا گیا ہے کہ بیس یوکرینی ڈرونز کو بحیرہ اسود اور آٹھ کو بحیرہ آزوف پر مار کر تباہ کردیا ہے-
روسی وزارت دفاع نے یہ بھی اعلان کیا کہ ان حملوں کے جواب میں روسی افواج نے بھی یوکرین کے فوجی اہداف اور دفاعی صنعتوں پر فضائی، سمندری اور زمینی حملے کیے ہیں۔