مہاجرین کریک ڈاؤن کے خلاف امریکا بھر میں احتجاج، اسکول اور کاروبار متاثر

Feb ۰۱, ۲۰۲۶ ۱۸:۲۲ Asia/Tehran

امریکا بھر میں عوام نے عوامی ہڑتال اور مظاہرے کرکے ٹرمپ کی پالیسیوں کے خلاف مختلف شہروں میں مظاہرے کئے میں حصہ لیا جس میں تعلیمی مراکز منجملہ اسکول کالجز اور خریداری کے مراکز بند رہے اس عوامی ہڑتال کا مقصد امریکی حکومت کی جانب سے مہاجرین کے خلاف سخت کریک ڈاؤن کے خلاف احتجاج تھا۔

سحرنیوز/دنیا: یہ ملک گیر عوامی ہڑتال امریکا کے مختلف شہروں میں کی گئی، جسے سینکڑوں سول سوسائٹی تنظیموں کی حمایت حاصل تھی۔

کاروبار بند رہے اوربڑی تعداد میں لوگوں نے اسکول اور کام چھوڑ کر شدید سردی میں سڑکوں پر نکل کر احتجاج میں شرکت کی۔

بعض خریداری کے مراکز مظاہرین کو پناہ اور کھانا فراہم کرنے کے مقامات میں تبدیل ہوگئے۔ اس ہڑتال کو منظم کرنے میں مینیسوٹا کی طلبہ تنظیموں نے مرکزی کردار ادا کیا۔

یاد رہے مینیسوٹا میں جنوری کے آغاز میں دو مقامی مظاہرین کو سیکیورٹی اہلکاروں نے گولی مار کر ہلاک کر دیا تھا۔ اس کے علاوہ مہاجرین کے خلاف بڑھتی ہوئی کارروائیوں کے نتیجے میں بغیر وارنٹ گرفتاریوں اور خاندانوں کی جبری علیحدگی جیسے واقعات سامنے آئے ہیں۔

ہمیں فالو کریں:

امریکن اسلامک کونسل نے، جو اس ہڑتال کے حامی تنظیموں میں شامل ہے، ایک بیان میں کہا ہے کہ “ہم تمام امریکیوں سے اپیل کرتے ہیں کہ وہ اس ہڑتال میں شریک ہوں اور واضح پیغام دیں کہ امیگریشن اور کسٹمز انفورسمنٹ کے اقدامات قابو سے باہر ہو چکے ہیں اور انہیں فوراً روکا جانا چاہیے۔”