SAHAR

شامی فوج نے دہشت گردی کے خلاف آپریشن جاری رکھتے ہوئے دمشق کے جنوب میں واقع اسٹریٹیجک علاقے حجرالاسود میں دہشت گردوں کے ٹھکانوں پر بمباری کی ہے۔

دمشق میں عسکری اور دفاعی ذرائع نے بتایا ہے کہ دہشت گردوں کے ٹھکانوں بر بمباری کے ساتھ ساتھ بری فوج کے جوانوں نے بھی علاقے میں کئی سیکٹروں سے پیشقدمی کی ہے۔اتوار کے روز اس علاقے میں ہونے والی جھڑپوں میں چوہتر داعشی دہشت گرد ہلاک ہوگئے تھے۔

شامی فوج نے یہ کارروائی حجرالاسود اور یرموک کیمپ میں موجود دہشت گردوں کے انخلا کی غرض سے جاری مذاکرات ناکام ہونے کی بعد شروع کی ہے۔ایک اور اطلاع کے مطابق شمالی ادلب کے محصور علاقوں میں فوعہ اور کفریا سے عام شہریوں کو نکالنے کے لیے، بیس بسیں علاقے میں پہنچ گئیں-