عراق میں اہواز کے دہشت گردانہ حملے کے ماسٹر مائنڈ کی ہلاکت
Oct ۱۷, ۲۰۱۸ ۱۳:۵۵ Asia/Tehran
عراق کی اسلامی مزاحمتی فورسز کے آپریشن میں بائیس ستمبر کو ایران کے شہر اہواز میں ہونے والے سفاک دہشت گردانہ حملے کا ماسٹر مائنڈ اور سرغنہ ابوضحی ہلاک ہو گیا۔
سپاہ پاسداران انقلاب اسلامی کے شعبہ تعلقات عامہ کے بیان کے مطابق عراق کی مزاحمتی فورسز کے ہاتھوں دیالہ کے علاقے میں خطرناک دہشت گرد اور اہواز حملے کا ماسٹر مائنڈ ابوضحی اپنے چار دہشت گرد ساتھیوں کے ہمراہ ہلاک ہو گیا۔
واضح رہے کہ اہواز میں بائیس ستمبر کو یوم دفاع مقدس کی پریڈ کے موقع پر دہشت گردوں نے وہاں موجود عام شہریوں پر حملہ کر دیا تھا جس کے نتیجے میں پچّیس افراد شہید اور ساٹھ سے زائد زخمی ہو گئے تھے۔