کشمیر: 24 گھنٹوں میں 5 عسکریت پسند جاں بحق
Dec ۲۶, ۲۰۲۱ ۱۱:۱۴ Asia/Tehran
ہندوستان کے زیر انتظام کشمیر کے مختلف علاقوں میں گزشتہ 24 گھنٹوں کے دوران ہندوستان کی سکیورٹی فورسز کی فائرنگ سے 5 عسکریت پسند جاں بحق ہو گئے۔
ہندوستان کے زیر انتظام جنوبی کشمیر میں ہفتے کے روز چار عسکریت پسند دو مختلف جھڑپوں میں مارے گئے۔
کشمیر کے ضلع شوپیان میں کل صبح لشکر طبیہ کے دو جبکہ شام کے وقت تحصیل اونتی پورہ میں انصار غزوۃ الہند کے ایک آئی ای ڈی ماہر سمیت دو عسکریت پسند مارے گئے جبکہ آج صبح جنوبی ضلع اننت ناگ کے سریگفوارہ بجبہاڑہ علاقے میں سیکورٹی فورسز کے ساتھ تصاد م میں ایک عسکریت پسند جاں بحق ہوا۔ اس طرح گزشتہ 24 گھنٹوں کے دوران ہندوستان کی سکیورٹی فورسز کی فائرنگ سے 5 عسکریت پسند جاں بحق ہو ئے۔
