ہندوستان کے وزیراعظم کی والدہ انتقال کر گئیں
ہندوستانی وزیراعظم نے ٹوئٹر پر اپنی والدہ کے انتقال کی تصدیق کرتے ہوئے انہیں خراج عقیدت پیش کیا۔
سحر نیوز/ہندوستان: ہندوستان کے وزیراعظم نریندرمودی کی والدہ ہیرابین مودی 100 سال کی عمر میں انتقال کرگئیں، وہ کئی دنوں سے ہستال میں زیر علاج تھیں۔
ہندوستانی ویب سائٹ کی رپورٹ مطابق نریندر مودی کی والدہ احمد آباد کے ہستال میں زیر علاج تھیں، جہاں گزشتہ شب ان کی طبیعت بگڑ گئی۔
ہیرا بین کی آخری رسومات ادا کردی گئیں ہیں۔
نریندر مودی کی والدہ گجرات کے علاقے مہسانا میں 18 جولائی 1923 کو پیدا ہوئیں تھیں، ان کی ایک بیٹی اور چار بیٹے ہیں، نریندر مودی اپنے بہن بھائیوں میں تیسرے نمبر پر ہیں، ہیرا بین مودی نریندر مودی کے چھوٹے بھائی پنکج مودی کے ساتھ گاندھی نگر کے قریب رہائش پذیر تھیں۔
نریندر مودی جمعہ کی صبح احمد آباد کے لیے روانہ ہوئے جب ان کی والدہ ہیرا بین (Heeraben) کا انتقال ہو گیا۔
پرائم منسٹر آفس (پی ایم او) نے کہا کہ وزیراعظم نریندر مودی اپنے آج کے طے شدہ پروگراموں میں شامل ہوں گے۔
