ہندوستان میں آئی فون خریدنے کے لئے والدین نے اپنے 8 ماہ کے بیٹے کو فروخت کر دیا۔
Aug ۰۱, ۲۰۲۳ ۱۶:۳۸ Asia/Tehran
ہندوستانی میڈیا کے مطابق مغربی بنگال کے ضلع پرگناس میں میاں بیوی نے سوشل میڈیا پر ویڈیوز بنانے کے لئے آئی فون خریدنے کے لیے اپنے 8 ماہ کے بیٹے کو بیچ دیا۔
سحرنیوز/ہندوستان: مقامی پولیس کے مطابق انتہائی غریب خاندان کے پاس مہنگاترین فون دیکھ کر پڑوسیوں کو واقعے سے متعلق شک ہوا تھا۔
ہندوستانی میڈیا کے مطابق پڑوسیوں نے میاں بیوی سے ان کے بچے کے بارے میں پوچھا جس پر انہوں نے کہا کہ بیٹا ایک رشتے دار کے پاس ہے۔
رپورٹس کے مطابق پولیس نے میاں بیوی کو گرفتار کرلیا ہے جنہوں نے اپنے جرم کا اعتراف بھی کیا ہے جبکہ ایک دوسری خاتون سے بچے کو بازیاب کرا لیا گیا ہے۔
پولیس کے کہنے کے مطابق اس کیس سے متعلق مزید تفتیش جاری ہے۔
