ہندوستان: ممبئی میں ایک رہائشی عمارت شدید آگ کی لپیٹ میں + ویڈیو
Jan ۱۳, ۲۰۲۴ ۱۵:۱۴ Asia/Tehran
ہندوستان کی ریاست مہاراشٹر میں ممبئی کے پاس واقع علاقے ڈومبیولی میں ایک اونچی عمارت میں شدید آگ لگنے کی خبر ہے۔
سحر نیوز/ ہندوستان: ریاست مہاراشٹر میں ضلع تھانے کے علاقے ڈومبیولی میں آج دو پہر کے وقت شدید آگ لگ گئی۔ میڈیا رپورٹوں کے مطابق ممبئی کے پاس واقع علاقے ڈومبیولی میں ایک اونچی رہائشی عمارت میں آگ لگی جس سے افراتفری مچ گئی۔
ہندوستان ٹائمز اخبار کی رپورٹ کے مطابق عمارت کی آٹھویں منزل پر آگ لگنی شروع ہوئی جو دیکھتے ہی دیکھتے 18 ویں منزل تک پہنچ گئی۔ رپورٹ کے مطابق دوپہر ایک بج کر 23 منٹ پر آگ لگنی شروع ہوئی اور ڈھائی بجے تک آگ پر قابو پا لیا گیا۔ ابتدائی طور پر کسی کے ہلاک یا زخمی ہونے کی کوئی رپورٹ سامنے نہیں آئی ہے۔
