SAHAR

ہندوستان کی وزارت خارجہ کا کہنا ہے کہ پانامہ میں ڈی پورٹ کئےجانے والے ہندوستانیوں کی پہلے شناخت کی تصدیق کی جائے گی اس کے بعد انہیں ملک واپس لایا جائے گا۔

سحرنیوز/ہندوستان:  ہندوستانی میڈیا کے مطابق امریکہ کی طرف سے پانامہ اور کوسٹا ریکا میں ہندوستانیوں سمیت غیر قانونی تارکین وطن کی ملک بدری کے درمیان، وزارت خارجہ نے جمعہ کو کہا کہ ہندوستانی شہریوں کی شناخت کی تصدیق ہونے کے بعد انہیں ملک واپس لایا جائے گا۔ وزارت خارجہ کے ترجمان رندھیر جیسوال نے ایک بریفنگ میں کہا ایک بار جب ان کی شناخت قائم ہو جائے گی اور ہمیں یقین ہو جائے گا کہ وہ ہندوستانی شہری ہیں ان کی دستاویزات تیار کی جائیں گی اور متعلقہ افسران کی جانب سے ان کی وطن واپسی کا انتظام کیا جائے گا ۔