چین کے صدر اور ہندوستان کے وزیر خارجہ کی ملاقات؛ دو طرفہ تعلقات پر تبادلہ خیال
ہندوستان کے وزیر خارجہ ایس جے شنکر نے جو شنگھائی تعاون تنظیم کے اجلاس میں شرکت کے لیے چین کے دورے پر ہیں، منگل کے روز بیجنگ میں چین کے صدر شی جن پنگ سے ملاقات کی اور دو طرفہ تعلقات پر تبادلہ خیال کیا۔
سحرنیوز/ہندوستان: ہندوستان کے میڈیا ذرائع کے مطابق ہندوستان کے وزیر خارجہ ڈاکٹر جے شنکر نے سوشل میڈیا پلیٹ فارم ایکس پر ایک پوسٹ میں کہا ہے کہ انہوں نے ہندوستان کی صدر جمہوریہ دروپدی مرمو اور وزیر اعظم نریندر مودی کی جانب سے چین کے صدر سے نیک خواہشات کا اظہار کیا۔ ڈاکٹر جے شنکر نے کہا کہ چین کے صدر شی جن پنگ نے آج صبح بیجنگ میں اپنے ساتھی شنگھائی تعاون تنظیم کے وزرائے خارجہ سے ملاقات کی۔ اس دوران صدر دروپدی مرمو اور وزیر اعظم کی جانب سے انہیں مبارکباد پیش کی۔ ہندوستان کے وزیر خارجہ نے کہا کہ انہوں نے چین کےصدر شی جن پنگ کو دونوں ممالک کے درمیان دو طرفہ تعلقات میں حالیہ پیش رفت سے آگاہ کیا، انہوں نے اس تناظر میں دونوں ممالک کی اعلیٰ قیادت کے درمیان ہونے والے مذاکرات کے فوائد کا بھی ذکر کیا۔ ڈاکٹر جے شنکر نے پیر کے روز چین کے نائب صدر اور وزیر خارجہ سے بھی ملاقات کی۔
