SAHAR

ہندوستان کی ریاست اتراکھنڈ میں بادل پھٹنے اور لینڈ سلائیڈنگ کے نتیجے میں کم سے کم چار افراد ہلاک اور متعدد زخمی ہوگئے۔

سحرنیوز/ہندوستان: میڈيا ذرائع کے مطابق یہ واقعہ اتراکھنڈ کے ضلع اترا کاشی میں پیش آیا۔ رپورٹ کے مطابق شہر اترکاشی کے قریب دھرالی گاؤں میں پہاڑ سے آنے والا پانی کا ریلا کئی گھر، ہوٹل اور دکانیں بہا لے گیا۔ رپورٹوں میں بتایا گیا کہ ریلے کے بعد سے پچاس افراد تاحال لاپتہ ہیں جبکہ چار افراد کی ہلاکت کی تصدیق ہوگئی ہے۔ ہندوستان کے محکمہ موسمیات نے ریاست اتراکھنڈ میں دس اگست تک شدید بارشوں کی پیشگوئی کی ہے۔ دھرالی مارکیٹ کے کئی ہوٹلوں میں پانی اور ملبہ بھرنے سے شدید نقصان ہوا ہے۔